Месси дисквалификациядан қутилди

Лионель Месси ва Жорди Альба МЛС юлдузлар ўйинида иштирок этмагани учун дисквалификация қилиниш хавфи остида эдилар. Бироқ, уларга нисбатан жазо қўлланмади ва ўйинда МЛС жамоаси Мексика Лигаси юлдузларига қарши ўйинда 3:1 ҳисобида ғалаба қозонди.

“Месси кўп ўйин ўтказгани ва майдондаги дақиқалари туфайли табиий чарчоқни ҳис қилган. Футболчилар ҳар уч кунда ўйнаганда, албатта, ноқулайлик сезишади. Лионель қайтмоқда. У тез орада жамоа билан машғулот ўта бошлашига умид қиламиз. Яхшики, бу ҳолат учун бизга жазо қўлланмади” — деди “Интер Майами” бош мураббийи Хавьер Маскерано.

Унинг таъкидлашича, юлдузлар учрашуви каби тадбирлар лига учун фойдали бўлса-да, улар учун махсус сана белгилаш маъқул эмас.

"Биз сўнгги беш учрашувнинг тўрттасини сафарда ўтказдик. Деярли ҳар уч кунда ўйнадик. Йўллар, сафарлар, қисқа дам олиш — футболчилар учун катта юк. Шанба ва якшанба кунлари юлдузлар учрашувини ташкил этиш керак. Чоршанба куни ўйин ўтказилиб, 48 соат ўтиши билан бошқа жамоалар майдонга тушиши керак бўлади — бу тўғри эмас", — дея сўзини якунлади аргентиналик мутахассис.

Маскеранонинг фикрича, футболчиларнинг жисмоний ҳолати ва сафарлардаги юклари уларга мусобақаларни юқори савияда ўтказишда қийинчилик туғдиради. Шунинг учун у лига мукаммал ва оғир жисмоний ҳолатдаги турнирни мунтазам равишда ўтказиш учун янада қулай шаклда ташкил қилишга чақирмоқда.

Агар Месси ва Альба каби юлдузлар ўз жамоаларидаги муҳим ўйинларда иштирок этиш учун тўғри тайёргарлик кўра олсалар, уларнинг жисмоний ҳолати ҳамда мусобақаларга юқори самара беришга кўпроқ имконият бўлади.