Дәүләт Думасы депутаты Казанда Миңнехановка иҗтимагый ярдәм штабы активы белән очрашты

28 июльдә Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов Татарстан Рәисе вазифасына кандидат Рөстәм Миңнехановның иҗтимагый ярдәм штабы активы белән очрашты.

Очрашу барышында катнашучылар Татарстанда гамәлдә булган социаль программалар турында фикер алышты. Активистлар шулай ук аларны эшләп бетерү инициативаларын тәкъдим итте, аерым алганда — тыныч тормышка кайткан махсус хәрби операциядә катнашучыларга, сәламәтлек мөмкинлекләре чикләнгән кешеләргә, шулай ук яшьләргә ярдәм чаралары.

Нилов ассызыклаганча, Татарстанда традицион рәвештә социаль инициативаларга зур игътибар бирелә, бу төбәккә конфессияара һәм мәдәни хезмәттәшлек үрнәге булырга мөмкинлек бирә.

«Әгерҗе районында балачактан — балалар бакчасыннан башлап һөнәри юнәлеш бирү программаларының ничек эшләвен күрсәттеләр. Анда тестлар үткәрелә, баланың көчле һәм йомшак яклары ачыклана. Бу дөрес, рациональ, аңлы якын килү. Шулай ук белгечләр әзерләү проблемасы да каралды. Буа районында һәм Иннополиста 18 яшькә кадәрге яшүсмерләр өчен хезмәт чикләүләре мәсьәләсе күтәрелде. Рөхсәт ителгән һөнәрләр исемлеге 20 елдан артык яңартылмаган. Төбәк иҗтимагый палаталарының активлыгы нәтиҗәсендә без бу теманы федераль дәрәҗәгә күтәрә алдык. Хәзер Хезмәт министрлыгы норматив акт әзерли, һәм мәсьәлә хезмәтне хокукый бәяләү аша хәл ителәчәк», - диде депутат.

Төп темаларның берсе махсус хәрби операциядә катнашучыларга һәм аларның гаиләләренә ярдәм итү мәсьәләләре булды. Нилов сүзләренчә, җәмәгать эшлеклеләре инициативасы нәтиҗәсендә Казанда махсус хәрби операциягә багышланган музей ачуга бюджет бүлеп бирелгән.