Spotify овозли AI интерфейсини янада интерактив қилади
Spotify компанияси келажакда ўз овозли сунъий интеллект интерфейсини янада интерактив ва “гапирувчи” қилиш ниятида эканини маълум қилди, деб TechCrunch.com хабар берди.
Компания вакилларининг сўзларига кўра, янгиланган интерфейс фойдаланувчи билан эркин ва табиий мулоқотга киришадиган AI ассистентга айланади.
Ушбу функция орқали фойдаланувчилар мусиқа тинглаш, плейлист тузиш ёки янги тавсиялар олишда овоз орқали мулоқот қилиш имконига эга бўлади.
Spotify бу технологияни “чуқур шахсийлашган аудио тажриба” деб баҳоламоқда.
Айрим кузатувчилар бу янгилик Spotify’нинг OpenAI, Google ва Apple сингари компаниялар билан рақобатини кучайтиришини тахмин қилмоқда.
Ҳозирча аниқ сана берилмаган, лекин функция яқин ойларда синов тариқасида жорий этилиши мумкин.