Photoshop AI ёрдамида реал элементлар қўшишни ўрганди
0
Adobe Photoshop сунъий интеллект технологияси ёрдамида инсонлар ва объектларни расмга табиий тарзда қўшиш функциясини жорий этди, деб rozetked.me хабар берди.
Янги функция Adobe Firefly генератив AI моделларига асосланган бўлиб, объектларни фото композицияга мутаносиб равишда жойлаштиради.
Тизим ёруғлик, соя ва перспектива элементларини ҳисобга олган ҳолда объектларни реал муҳитга мослаштиради.
Бу функция фойдаланувчиларга расмларни қайта ишлашда реаллик эффектларини янада осон ва аниқ таъминлаш имконини беради.
Adobe бу янгилик дизайнерлар, фотографлар ва контент яратувчилар учун катта қулайлик яратишини таъкидламоқда.
Функция ҳозирча бета шаклда Photoshop’нинг янги версиясида фаоллаштирилган.