Британиялик Беатрис қизини жамоатчиликка илк бор кўрсатди
Принцесса Беатрис эридан туғилган фарзандлар билан биргаликда илк марта кичик қизчаси Афина билан жамоатчилик олдида намоён бўлди. Улар Лондонда бўлиб ўтган аёллар футболи бўйича ЕВРО-2025 ғолиблари шарафига уюштирилган парадда иштирок этди, деб ёзмоқда Peopletalk.
Беатрис ва турмуш ўртоғи Эдоардо Мапелли Моцци кўпинча фарзандларини оммадан олиб қочишга ҳаракат қилади. Аммо бу сафар улар барча фарзандларини олиб, пойтахт марказидаги Букингем саройи ёнида ўтказилган парадга келди. Оилада икки қиз бор: Сиенна Элизабет ва Афина Элизабет Роуз. Шунингдек, Беатрис эрининг аввалги муносабатларидан туғилган ўғли — Кристофер Вульфга ҳам чин юракдан она бўлиб келмоқда.
Принцесса Беатрис ва Эдоардо 22 январь куни Афина исмли қизалоққа ота-она бўлишди. Қизалоқ белгиланган муддатдан анча олдин туғилган. Беатриснинг айтишича, ҳомиладорлик давомида Афина доимий тиббий кузатувда бўлган. Улар эрта туғруқ эҳтимолига олдиндан тайёргарлик кўришган.
Беатрис шундай дейди: “Ўша ойларни эсласам, хавотир ва иккиланишлар билан тўла кунларим кўз олдимга келади. Биз турмуш ўртоғим билан бошиданоқ билиб, тайёргарлик кўрдик. Энди эса мен ана шу муаммоларга дуч келаётган бошқаларга ёрдам беришни ўзимга бурч деб биламан”.