Эксперт ни өчен 2025 елда беркем дә картлык буенча пенсиягә чыкмавын аңлатты

Россиялеләр быел картлык буенча пенсиягә чыкмый, чөнки Россиядә пенсия яше акрынлап арта. Бу хакта РИА Новости агентлыгы РФ Хөкүмәте каршындагы Финанс университетының социаль фәннәр һәм массакүләм коммуникацияләр факультеты психология һәм кеше капиталын үстерү кафедрасы профессоры Александр Сафоновка сылтама белән хәбәр итә.

«2025 елда, яңа пенсия яшенә күчү графигы нигезендә, картлык буенча пенсиягә чыкмадылар. Бу пенсия яшенең акрынлап артуы белән бәйле», - диде Сафонов.

Ул аңлатканча, 2019 елдан 2022 елга кадәр пенсия яшен ел саен ярты елга арттырдылар, шуңа күрә россиялеләр ел саен пенсиягә чыкты. Ә 2023 елдан 2028 елга кадәр пенсия яше ел саен бер елга арта, шуңа күрә 2024, 2026 һәм 2028 елларда пенсиягә чыгачаклар (1966-1968 елларда туган хатын-кызлар һәм1961-1963 елларда туган ир-атлар).

«2018 елның 3 октябрендәге 350нче Федераль закон белән Россиядә яңа пенсия яшенә күчү чоры билгеләнгән. Бу закон нигезендә, күчеш чоры ун ел (2019 елдан 2028 елга кадәр) дәвам итәчәк. 2026 елда 1967 елда туган хатын-кызлар һәм 1962 елда туган ир-атлар лаеклы ялга чыгачак», - дип өстәде Сафонов.