Майкл Жексон кийган пайпоқ 8 минг долларга сотилди

Поп-мусиқа қироли Майкл Жексоннинг концерт пайтида кийган бир дона ялтироқ пайпоғи аукционда 8 минг доллардан ортиққа сотилди. Бу ҳақда Peopletalk хабар бермоқда.

Ушбу пайпоқ 1997 йили Жексоннинг "History World Tour" – “Тарихий жаҳон тури” доирасида Франциянинг Ним шаҳридаги концертда кийилган. У ўзининг машҳур “Billie Jean” қўшиғини ижро этар экан, стразлар билан безак берилган оқ спорт пайпоқларини кийган ҳолда саҳнага чиққан. Концертдан кейин бу пайпоқ гардероб ёнида ерда ётган ҳолда топилган ва уни техник ходим асраб қолган.

Ортиқча айтиш шарт эмас – бу кийим кичкина бўлса-да, поп-афсона билан боғлиқ “культ буюм” сифатида мухлислар орасида жуда қимматли ҳисобланади. Йиллар ўтиб, пайпоқда доғлар пайдо бўлган ва ундаги ялтироқ стразлар ҳам сариқ тусга кирган. Аммо шунга қарамай, у ҳали ҳам катта аҳамиятга эга.

Бу биринчи ҳолат эмас. 2009 йилда Макаодаги казино-курорт Майкл Жексоннинг “лунная походка” – “ой юриш” рақсида таққан ялтироқ қўлқопини 350 минг долларга сотиб олинган эди. 2023 йилда эса, ўша машҳур чиқишидан олдин кийилган шляпа Парижда 80 минг доллардан ортиққа сотилди.