Татарстанда пенсионерларның эшсезлек буенча пособие алу очрагы турында сөйләделәр
Эшләүче пенсионер, теләсә кайсы башка эшче кебек үк, эштән азат итү яки башка сәбәпләр аркасында эшсез калырга мөмкин. Әмма Татарстанда пенсионерларга бу очракта эшсезлек буенча пособие тиешме – «Татар-информ» материалында.
Картлык буенча яки тиешле еллар санын эшләгән өчен пенсия алучы татарстанлылар рәсми рәвештә эшсез дип танылмый. Алар вакансия сайлау өчен мәшгульлек хезмәтенә мөрәҗәгать итә ала, ләкин эшсезлек буенча пособие ала алмый.
Искәрмә булып пенсионер штатны кыскарту яки предприятиене ябу сәбәпле эшсез калган очраклар тора. Бу очракта пенсионер эштән азат ителгәннән соң 14 көн дәвамында мәшгульлек үзәгенә мөрәҗәгать итә һәм өч ай дәвамында соңгы эш урынында алган уртача хезмәт хакы күләмендә түләү ала ала.