Рэшфорд "Барселона"га ишонмоқда ва титул учун курашмоқчи

Англия терма жамоаси ва "Манчестер Юнайтед" клубининг номдор ҳужумчиси Маркус Рэшфорд фаолиятида янги босқичга қадам қўйди. У яқинда Испаниянинг машҳур "Барселона" жамоаси сафига кўчиб ўтди ва эндиликда янги мавсумни Ла Лигада ўтказишга тайёргарлик кўрмоқда.

Футболчи ўзининг рўйхатдан ўтиш масаласи ҳақидаги саволларга қуйидагича жавоб берди:

"Рўйхатдан ўтишми?

Бу борада ҳеч қандай хавотирга тушмаяпман. Жамоамга тўлиқ ишонаман. Ҳозир барча эътиборимни янги мавсум учун жисмоний ва руҳий тайёргарликка қаратганман", — деди Рэшфорд.

Унинг сўзларига кўра, "Барселона" жамоаси Европа футболида юқори мақсадларни кўзламоқда. Хусусан, Маркус шундай дейди:

"Биз янги мавсумда Чемпионлар лигасида ғалаба қозониш ниятидамиз. Жамоа ўтган мавсумни анча яхши ўтказди, лекин бу сафар биз натижаларни янада яхшилашни мақсад қилганмиз."

Маълумки, Kаталония клуби Рэшфордни "Манчестер Юнайтед"дан сотиб олиш имконияти билан вақтинча ижарага олган. Бундан аввалроқ ҳам футболчи бир муддат "Астон Вилла" клуби сафида ижара асосида тўп сурганди.

Рэшфорднинг “Барса” сафидаги келажаги мухлислар ва мутахассислар орасида катта қизиқиш уйғотмоқда. Унинг тажрибаси, тўпурарлик қобилияти ва юракдан ўйнаши бу клубга катта фойда келтиради, деган фикрлар билдирилмоқда.

Эътиборлиси, Маркуснинг ўз сўзлари орқали билдирган ишончи ва мотивацияси — у нафақат шахсий ривож, балки жамоавий муваффақият учун ҳам тайёр эканини кўрсатади. Каталония жамоаси эса ундан юқори даражада фойдаланишга интиляпти.

Футбол оламида катта эҳтимол билан бу мавсум Рэшфорд учун янги имкониятлар эшигини очади. Агар у "Барселона" сафида ўзини кўрсата олса, бу ижара шартномаси тўлақонли трансферга айланиши ҳам мумкин. Мухлислар эса севимли ҳужумчини Испанияда янги юқориликларга етиб боришини сабрсизлик билан кутмоқда.