სიდნეის Harbour Bridge-ზე პალესტინელთა მხარდამჭერ მსვლელობას ათეულ ათასობით ადამიანი შეუერთდა
, რომელმაც პალესტინის ხელისუფლების თქმით, 60 000-ზე მეტი ადამიანი იმსხვერპლა, მთავრობები და ჰუმანიტარული ორგანიზაციები აცხადებენ, რომ საკვების დეფიციტი ფართომასშტაბიან შიმშილს იწვევს.
მსვლელობის - რომელსაც მისმა ორგანიზატორებმა "კაცობრიობის მარში" უწოდეს - მონაწილეთაგან ზოგიერთს შიმშილის სიმბოლოდ ქვაბები და ტაფები ეჭირა. მსვლელობის მონაწილეებს შორის იყო „ვიკილიქსის“ დამფუძნებელი, ჯულიან ასანჟი.
ავსტრალიის ახალი სამხრეთ უელსის შტატის პოლიციამ და მისმა პრემიერმა გასულ კვირას სცადეს მსვლელობისთვის ხელის შეშლა ხიდზე, რომელიც ქალაქის ღირსშესანიშნაობას და მთავარ სატრანსპორტო მაგისტრალს წარმოადგენს და განაცხადეს, რომ იქ მსვლელობამ შეიძლება საფრთხე შექმნას და ტრანსპორტის მოძრაობის შეფერხება გამოიწვიოს. შტატის უზენაესმა სასამართლომ შაბათს გადაწყვიტა, რომ ის შეიძლება გაიმართოს.
ახალი სამხრეთ უელსის პოლიციამ განაცხადა, რომ ისინი ასობით თანამშრომელს განათავსებენ და მსვლელობის მონაწილეებს სიმშვიდის შენარჩუნებისკენ მოუწოდებენ.
პოლიცია ასევე ქუჩებში იყო გასული მელბურნში, სადაც მსგავსი საპროტესტო მსვლელობა გაიმართა.
ბოლო კვირების განმავლობაში პალესტინელთა ტერიტორიაზე, ოკუპირებულ ღაზის სექტორში ქმედების გამო ისრაელზე დიპლომატიური ზეწოლა გაიზარდა. საფრანგეთმა და კანადამ განაცხადეს, რომ ისინი აღიარებენ პალესტინის სახელმწიფოს, ხოლო დიდი ბრიტანეთი აცხადებს, რომ იმავეს გააკეთებს, თუ ისრაელი ჰუმანიტარულ კრიზისს არ მოაგვარებს და ცეცხლის შეწყვეტას არ მიაღწევს.
ისრაელმა დაგმო ეს გადაწყვეტილებები, როგორც ჰამასის (აშშ-ში და ევროკავშირში ტერორისტული დაჯგუფება) წახალისება. ჰამასი ოფიციალურად მართავს ღაზას და ისრაელზე მისი და თანამოაზრე გაერთიანებების თავდასხმით 2023 წლის ოქტომბერში დაიწყო ისრაელის არმიამ სახმელეთო და საჰაერო საომარი ქმედებები - რამაც ანკლავის დიდი ნაწილი მიწასთან გაასწორა.
ავსტრალიის მემარცხენე ცენტრისტმა პრემიერ-მინისტრმა, ენტონი ალბანიზმა განაცხადა, რომ ის მხარს უჭერს ორი [ისრაელთან ერთად პალესტინელთა] სახელმწიფოს შექმნით პალესტინაში კონფლიქტის მოგვარების იდეას. ისრაელის მხრიდან დახმარების უარყოფა და მშვიდობიანი მოსახლეობის ხოცვა „არ შეიძლება დაიცვა ან უგულებელყო“, თქვა მან, თუმცა პალესტინელთა სახელმწიფოს აღიარება არ გამოუცხადებია.