Янги “Ўргимчак-одам” фильмини суратга олиш жараёнидан фотосуратлар
Таниқли актёр Том Холланд суратга олиш майдонида олинган фотосуратларни ўзининг тақиқланган ижтимоий тармоқдаги саҳифасида эълон қилди. Ушбу кадрлар “Ўргимчак-одам: Янги кун” номли янги фильм устида олиб борилаётган иш жараёнини акс эттиради.
Актёр кадрларда янгиланган қаҳрамон костюмида кўриниб, киноижодкорлар билан суҳбатлашмоқда. Маълумотларга кўра, фильм Шотландиянинг энг йирик шаҳри – Глазгода суратга олинмоқда. Бу шаҳар бир муддатга Marvel киновселенага хос бўлган Нью-Йорк шаҳрига айлантирилган.
“Ўргимчак-одам: Янги кун” фильми устида ишлаш 2025 йил август ойида бошланган. Ҳали суратга олиш янгидан бошланган бир пайтда, ижтимоий тармоқларда фильмнинг илк тизери эълон қилинган эди. Том Холланд ўз ролига қайта қайтган, шунингдек Зендея (Мэри Жейн) ва Жейкоб Баталон (Нед) ҳам янги лойиҳага жалб этилган.
Фильм режиссёри сифатида Дестин Дэниэл Креттон тайинланган. Сценарий устида эса яна Крис Маккенна ва Эрик Соммерс ишламоқда. Янгиликларга кўра, фильмда 1990 йиллардаги машҳур анимацион сериалнинг муҳити қайта яратилади, бироқ асосий сюжет тафсилотлари ҳозирча ошкор қилинмаган.
Кутилган премьера санаси — 2026 йилнинг 31 июл.
Манба: Peopletalk