18 ёшли блогер OnlyFans’да 3 соатда $1 млн топди

Таниқли тиктокер Lil Tay (асл исми — Клэр Хоуп) 18 ёшга тўлганидан сўнг бир неча кун ўтиб, OnlyFans платформасида шахсий аккаунтини очди. Ушбу қарор жамоатчиликда кескин муҳокамаларга сабаб бўлди, деб ёзмоқда Pravilamag.

Lil Tay’нинг айтишича, у аккаунтини очганидан сўнгги 3 соат ичида $1 миллион даромад топган, бу эса OnlyFans’даги янги рекордлардан бири сифатида таъкидланмоқда. У барча контентни 18 ёшга тўлган куни, соат 00:01 да иш бошлаб, шу куни ёзиб олганини маълум қилди.

Унинг таъкидлашича, катта агентликлар ва катта ёшларга мўлжалланган студиялар у билан 18 ёшга етмай туриб ҳам алоқага чиққан. Ҳатто $30–40 миллион долларлик шартномалар таклиф қилинган, бироқ у бу пулни мустақил топишга қарор қилган.

Lil Tay’нинг ёшлиги, ҳамда OnlyFans’даги фаолияти интернетда кенг муҳокамага сабаб бўлди. Кўплаб фойдаланувчилар «18 ёшга тўлиши билан бундай контент яратиши қанчалик тўғри?», «Бу унинг келажагига қандай таъсир қилади?» каби саволлар қўймоқда. У эса жавобан:

«$50 миллион ҳаётимни вайрон қилмайди, деб ўйлайман», — деб таъкидлади.

Lil Tay аввал ҳам бир неча шов-шувли воқеалар билан тилга тушган. 2023 йил август ойида у ва унинг акаси Жейсон вафот этгани ҳақида ёлғон хабар тарқалган, бир ой ўтиб эса у янги мусиқий клип чиқариб, «қайтиб келганини» эълон қилган эди.