Татарстан мәктәпләрендә 1 сентябрьдән «физик-химик алгарыш» проекты эшли башлаячак
Татарстан мәктәпләрендә яңа уку елы башыннан «физик-химик алгарыш» проекты эшли башлаячак. Бу хакта «Татар-информ»га ТР Мәгариф һәм фән министры Илсур Һадиуллин хәбәр итте.
«Яңа уку елыннан Татарстан Рәисе Рөстәм Миңнеханов кушуы буенча республика мәктәпләрендә «физик-химик алгарыш» проекты эшләтеп җибәреләчәк. Бу ике фән тирәнрәк өйрәнеләчәк», - дип өстәде ул.
Республикада «физик-математик алгарыш» проекты инде эшли. Аның буенча укытучылар һәм мәктәпләр профильле сыйныфлар булдыруга, җиһазлар сатып алуга һәм чаралар уздыруга грантлар ала.