Լեհաստանի սահմանադրությունը պետք է փոխել. Նավրոցկի
Լեհաստանի իշխանությունները պետք է աշխատանքներ սկսեն երկրի սահմանադրության փոփոխության ուղղությամբ, այսօր պաշտոնը ստանձնելուց անմիջապես հետո հայտարարել է Լեհաստանի նորընտիր նախագահ Կարոլ Նավրոցկին։
«Վերջին շրջանում Լեհաստանի սահմանադրությունը պարբերաբար ոտնահարվում էր։ Մենք՝ որպես քաղաքական վերնախավի ներկայացուցիչներ, պարտավոր ենք աշխատել նոր սահմանադրության ստեղծման ուղղությամբ, որը, հուսով եմ և հավատացած եմ, պետք է պատրաստ լինի 2030 թվականին»,-հայտարարել է Նավրոցկին իր պաշտոնամուտի արարողության ընթացքում։