Hauger-manageren avslører: Forhandlar om Indycar-kontrakt
Dennis Hauger kan ta steget opp til toppklassa Indycar neste år. Teamet jobbar for å få det til, opplyser manager Harald Huysman.
Hauger har denne sesongen herja i debuten i Indy NXT, som er på nivå to i Indycar-sirkuset. Nordmannen har vunne fem løp og leiar samanlagt når det står att tre rundar i årets meisterskap.
Nå blir det jobba i kulissane for ein overgang til toppklassa.
– Eg kan bekrefte at me har forhandlingar og jobbar med å få til eit Indycar-sete for Dennis for neste år, seier manager Huysman til NTB.
(NTB)