Неймарга Европа саҳнасига қайтиш учун янги имконият
2026 йилги Жаҳон чемпионатида Бразилия терма жамоасига етакчилик қилишни орзу қилаётган Неймар учун яна Европа “топ-лигалари”га қайтиш эшиклари очилиши мумкин. La Gazzetta dello Sport’нинг ёзишича, Туриннинг “Ювентус” клуби унга жиддий қизиқиш билдирган.
Манбаларга кўра, “Ювентус” раҳбарияти Неймар трансфери бўйича имкониятларни ўрганмоқда. “Барселона” ва “Пари Сен-Жермен”да порлаган юлдуз учун Италия А Сериясида фаолият давом эттириш муҳим босқич бўлиши мумкин.
Ёзги трансфер даврида унга “Марсель” ҳам қизиқиш билдирган, аммо 33 ёшли ҳужумчи “Сантос”да қолишни маъқул кўрган. “Ал-Ҳилол”даги муваффақиятсиз фаолиятдан сўнг, Неймар йил бошида Бразилияга қайтиб, “Сантос” сафида 18 ўйинда 4 гол ва 3 ассист қайд этди.