Белгеч 1 сентябрь алдыннан маркетологларның хәйләләре турында искәртте

1 сентябрь алдыннан мәктәп формасы, рюкзаклар һәм канцелярия товарлары алдан фаразланганча кыйммәтләнде. Шул ук вакытта кулланучылар товарларны билгеле бер даталарга сатып алса, маркетологлар, сатып алуларны арттыру өчен, кайбер хәйләләрдән файдалана. Бу хакта «Радио 1» белән сөйләшүдә маркетолог, сатулар буенча консультант Сергей Сикирин кисәтте.

«Хәйләләрнең берсе – комплекслы тәкъдим, мәсәлән, «беренче сыйныф укучысы комплекты». Бу комплектка кирәкле әйберләрне дә, азрак дәрәҗәдә сатылганнарны да кертәләр», - диде белгеч.

Аның сүзләренчә, тәкъдим бик отышлы кебек тоелырга мөмкин. Шулай да еш кына комплектка балага кирәк булмаган яки башка җирдән арзанракка та алып булган позицияләрне кертәләр. Белгеч искәрткәнчә, ата-аналар, вакытны әрәм итмәс өчен, еш кына комплекслы тәкъдимнәрдән файдалана.

Моннан тыш, Сикирин канцелярия һәм башка тиз бозылмый торган товарларны алдан сатып алырга кирәк дип саный. «Күп кенә мәктәп кирәк-яракларын алдан сатып алсаң, бәя сизелерлек түбәнрәк булачак», – дип ассызыклады ул.

Моның белән беррәттән эксперт бәяләр үсешенең табигый сәбәпләрен атый – материалларның яки логистика бәясенең артуы, диде ул.