Татарстанда 24 градуска кадәр җылы булачак, урыны белән яңгыр явачак
Бүген, 16 августта, Татарстанда циклонның көнчыгышка китүе һәм антициклон таралуы аркасында һава шартлары өлешчә үзгәрәчәк. Бу хакта ТР Гидрометеорология үзәге хәбәр итә.
Республикада алмашынучан болытлы һава сакланачак. Төбәкнең көнчыгышында яңгыр явачак.
Көндез секундына 5-10 метр тизлектәге төньяк-көнчыгыш җиле урыны белән секундына 14 метрга кадәр көчәячәк (Казанда – 13 м/с).
Көндез Татарстан буенча һава +19...+24 градуска кадәр җылыначак. Татарстан башкаласында +22...+24 градуска кадәр булачак.