16 жніўня, Мінскі раён /Кар. БЕЛТА/. Рэспубліканская спартакіяда "Здароўе" работнікаў галіны Міністэрства інфармацыі праходзіць у Рэспубліканскім цэнтры алімпійскай падрыхтоўкі "Стайкі". На працягу двух дзён прадстаўнікі сродкаў масавай інфармацыі будуць дэманстраваць сваю спартыўную сілу, перадае карэспандэнт БЕЛТА. У гэтым годзе ўдзельнікамі спартыўнага спаборніцтва сталі 20 каманд і больш за 500 чалавек. Яны прадстаўляюць рэспубліканскія і рэгіянальныя сродкі масавай інфармацыі з усіх куткоў краіны. Каманда Беларускага тэлеграфнага агенцтва традыцыйна прымае самы актыўны ўдзел у спаборніцтвах. Удзельнікі будуць спаборнічаць у валейболе, міні-футболе, настольным тэнісе, лёгкаатлетычным кросе, гіравым спорце, перацягванні каната. Запланавана таксама сямейная эстафета "Вясёлыя старты". Для кіраўнікоў каманд традыцыйным стане першынство па дартсе і стральбе з пнеўматычнай вінтоўкі. Спартакіяда праводзіцца сярод падведамных арганізацый Міністэрства інфармацыі, друкаваных і электронных СМІ. Цырымонія ўзнагароджвання пераможцаў пройдзе 17 жніўня.-0-
