Жаңа астық экспорты 9,8 млн тоннадан асты

«ҚТЖ» ҰК» АҚ деректеріне сәйкес, 2024 жылғы қыркүйектен бастап 2025 жылдың 10 тамызына дейін экспорт көлемі 9,8 млн тоннаны құрады. Бұл туралы Ауыл шаруашылығы министрлігінің баспасөз қызметі хабарлады. 

Бұл көрсеткіш 2023–2024 жылдардағы осындай кезеңмен салыстырғанда 55%-ға жоғары.

Жеткізілім көлемінің едәуір артуы қазақстандық астықтың сыртқы нарықтарда жоғары сұранысқа ие екенін көрсетеді әрі экспорт географиясын кеңейту және логистикалық инфрақұрылымды жетілдіру бойынша жүзеге асырылып жатқан шаралардың тиімділігін дәлелдейді.

Негізгі бағыттар бойынша жеткізілім динамикасы: Өзбекстан — 34,4%-ға өсті: 2,75 млн тоннадан 3,7 млн тоннаға дейін; Тәжікстан — 46%-ға өсті: 960 мың тоннадан 1,4 млн тоннаға дейін; Ауғанстан — 51,6%-ға өсті: 217 мың тоннадан 329 мың тоннаға дейін; Қырғызстан — екі есе артты: 131 мың тоннадан 262 мың тоннаға дейін; Иран — 16 есеге өсті: 61 мың тоннадан 974 мың тоннаға дейін; Әзербайжан — 121 есеге өсті: 6 мың тоннадан 728 мың тоннаға дейін.

Экспорттың оң серпіні қазақстандық ауыл шаруашылығы өнімдерінің жоғары бәсекеге қабілеттілігін, сондай-ақ агроөнеркәсіптік кешенді дамыту мен елдің экспорттық әлеуетін нығайтуға бағытталған мемлекеттік қолдаудың нәтижелілігін айғақтайды.

Бұған дейін тамыздың алғашқы онкүндігінде елімізде 1,2 млн тонна астық жиналғанын жазған едік.

Сообщение Жаңа астық экспорты 9,8 млн тоннадан асты появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.