Қордай ауылында екі жаңа футбол алаңы ашылды
Қордай ауданында бұқаралық спортты дамыту мақсатында екі жаңа шағын футбол алаңы пайдалануға берілді. Спорт нысандары Қордай ауылындағы «Самал» шағынауданында және «Жібек жолы» көшесінің бойында орналасқан.
Алаңдар мемлекеттік бюджет қаржысы есебінен салынды. Тұрғындардың ұсынысы ескеріліп, жобалар қысқа уақыт ішінде жүзеге асырылды.
Ашылу салтанатына Қордай аудандық мәслихат төрағасы Н. Садықов, Қордай ауылдық округінің әкімі Ә. Қаспақбаев, аудандық ақсақалдар кеңесінің мүшелері және ауыл тұрғындары қатысты.
Жақын күндері Қордай ауылындағы «Батыс» шағынауданында тағы бір футбол алаңы ашылады.
2025 жылдың басынан бері аудандағы Көгадыр, Көктөбе, Сарыбастау, Сортөбе және Ауқатты ауылдарында бірнеше кіші футбол және стритворкаут алаңдары іске қосылды. Барлық нысандар мемлекеттік бюджет есебінен қаржыландырылып, тұрғындардың салауатты өмір салтын ұстануына қолайлы жағдай жасалуда.
Нәтижесінде, ауданда спортпен жүйелі түрде айналысатын тұрғындар саны 41 пайызға артты.
Сообщение Қордай ауылында екі жаңа футбол алаңы ашылды появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.