Истанбулда ўзбекистонлик аёлни эри пичоқлаб ўлдирди
Истанбулнинг Умрания туманида 33 ёшли Ўзбекистон аёл фуқароси пичоқланиб ҳалок бўлди, деб хабар тарқатмоқда маҳаллий оммавий ахборот воситалари.
Маълумотларга кўра, фожиа Айтош кўчасида юз берган. 1992 йилда туғилган Нигина Сатторова турмуш ўртоғи томонидан кўчада шафқатсизларча ўлдирилган. Гувоҳларнинг айтишича, эркак хотинини рашк сабабли омма олдида бўйнидан пичоқлаган. Тез ёрдам жамоаси етганда аёл аллақачон ҳаётдан кўз юмган бўлган.
Ҳодисадан сўнг қотилликда гумонланган икки нафар шахс қўлга олинди. Маълумотларга кўра, аёлнинг эри содир этган ишидан кейин дўстига қўнғироқ қилган ва ўрмон ҳудудига қочишга уринган.
Бироқ полиция тезкорлик билан изга тушиб, кенг кўламли қидирув ўтказди ҳамда қисқа вақт ичида гумонланувчи ва унинг дўстини ушлади. Ҳозирда марҳуманинг жасади суд-тиббий экспертизасига юборилган.