Роналду ҳақида Бензема: У футболнинг ҳақиқий афсонаси
Карим Бензема яқинда Криштиану Роналдуни футбол тарихидаги энг йирик афсоналардан бири сифатида таърифлади.
19 август куни Гонконгда Саудия Арабистони Суперкубоги ярим финалида “Ан-Наср” ва “Ал-Иттиҳод” жамоалари ўзаро куч синашди. Бу беллашув Карим Бензема ва Криштиану Роналдунинг яна бир майдондаги дуэли сифатида ҳам қизиқиш уйғотди.
Бироқ Бензема журналистлар билан суҳбатда бу ўйинни икки футболчи ўртасидаги тўқнашув сифатида кўриш нотўғри эканини таъкидлади:
“Бу менинг Роналдуга қарши ўйиним эмас. У футбол дунёсида афсона ҳисобланади. У спортнинг ривожига улкан ҳисса қўшган ва ҳали ҳам қўшиб келмоқда. Унга фақатгина энг яхши тилакларимни йўллайман. Биз рақиб бўламиз, аммо бу асосан ‘Ан-Наср’ ва ‘Ал-Иттиҳод’ ўртасидаги беллашув”, — деди Бензема.