Ла Лига. "Реал" мавсум бошини "Осасуна" устидан ғалаба билан бошлади
Хаби Алонсо бошчилигидаги "Реал Мадрид" Ла Лиганинг илк турида "Осасуна" билан куч синашиб, 1:0 ҳисобида муваффақиятга эришди.
Биринчи бўлимда "қироллик клуби" бир неча хавфли ҳужумлар уюштирган бўлса-да, гол ура олмади. Бироқ, иккинчи бўлимнинг 51-дақиқасида Килиан Мбаппе 11 метрлик жарима зарбасида унумли фойдаланган ҳолда, жамоасини ҳисобда олдинга олиб чиқди. Ушбу гол эса ўйин тақдирини ҳал қилди.
"Реал" - "Осасуна" 1:0
19 август. Мадрид. "Сантьяго Бернабеу"
Гол: Мбаппе 51 (пенальти)
"Реал": Куртуа - Трент (Карвахаль 68), Милитао, Хейсен, Каррерас - Гюлер (Себальос 90), Чуамени, Вальверде - Браим (Мастантуоно 68), Винисиус (Гонсало 78), Мбаппе
"Осасуна": Эррера - Бойомо, Катена, Крус (Гарсия 85) - Росье, Торро, Монкайола, Бретонес - Гарсия (Муньос 66), Орос (Гомес 77), Будимир
Огоҳлантириш: Мбаппе 90
Четлатиш: Бретонес 90+4
Маълумот ўрнида, "қаймоқранглилар" навбатдаги учрашувини 24 август куни "Овьедо"га қарши ўтказади.