“Реал” ва Винисиус: янги шартнома музокарасида тўсиқлар пайдо бўлди

Испаниянинг футбол гиганти "Реал Мадрид" ва жамоанинг асосий юлдузи, Бразилия терма жамоаси вакили Винисиус Жуниор ўртасидаги янги шартнома бўйича музокаралар бир неча ҳафта аввал тўхтагани маълум бўлди. Бу ҳақда ESPN нашри хабар берди.

Футболчининг вакиллари клуб томонидан таклиф қилинган миқдор етарли эмас, деб ҳисобламоқда. Улар Винисиуснинг ойлик маошини кам бўлса-да 20 миллион еврога оширилишини ва шартноманинг умумий йиллик суммаси 30 миллион еврони ташкил этишини талаб қилмоқда. Шу билан бирга, "қироллик клуби" бразилиялик юлдуз учун 20 миллиондан ортиқ маблағ тўлашга ҳали рози эмас.

Маълумот учун, 25 ёшли Жуниор ўтган мавсумда жуда ҳам сермаҳсул ўйин намойиш этди. У жамоаси учун умумий 58 та учрашувда майдонга тушиб, 22 та гол урди ва 19 та голли узатмани амалга оширди. Бу натижалар Винисиуснинг жамоада муҳимлигини ва майдондаги самарадорлигини янада оширди.

Ҳозирча музокаралар вақтинча тўхталиб турса-да, мухлислар ва экспертлар кейинги ҳафталарда клуб ва юлдуз ўртасидаги янги келишувнинг эълон қилиниши мумкинлигини кутмоқда. Винисиуснинг майдондаги барқарорлиги ва жамоа учун қийматлилиги унинг янги шартнома бўйича талабларини кучайтирмоқда ва бу масала клуб раҳбарияти учун муҳим стратегик қарорга айланмоқда.