ТР Җир һәм милек мөнәсәбәтләре министрлыгында «Мәктәпкә җыенырга ярдәм ит» акциясе узды

Татарстан Җир һәм милек мөнәсәбәтләре министрлыгында ел саен үткәрелә торган «Мәктәпкә җыенырга ярдәм ит» хәйрия акциясе узды. Быел аңа махсус хәрби операция ветераны Рөстәм Сабиров та кушылды, аның «Батырлар. Татарстан геройлары» программасы буенча остазы - ведомство җитәкчесе Азат Кадыйров, дип хәбәр итә министрлыкның матбугат хезмәте.

Бу юлы күп балалы гаиләдә тәрбияләнүче сәламәтлек мөмкинлекләре чикле җиде яшьлек кыз - Ника Трофимычевага ярдәм күрсәтелде. Элегрәк ТР Җир һәм милек мөнәсәбәтләре министрлыгы коллективы «Теләкләр чыршысы» Бөтенроссия Яңа ел акциясе кысаларында аның үтенечен канәгатьләндергән һәм аңа җыелмалы тернәкләндерү җайланмасы бүләк иткән иде.

Азат Кадыйров булачак беренче сыйныф укучыларына тантаналы рәвештә букчалар тапшырды. Һәр портфельгә уку елын уңышлы башлап җибәрү өчен кирәкле дәфтәрләр, каләмнәр, карандашлар, рәсем ясау өчен альбомнар һәм башка мәктәп кирәк-яраклары тутырылган иде.

Махсус операция ветераны Рөстәм Сабиров беренче сыйныф укучыларын тормышта яңа мөһим этап башлану белән котлады һәм хәрбиләр өчен рәсемнәр ясарга кушты. Аның сүзләренчә, мондый рәсемнәр аңа һәм аның иптәшләренә сугышчан рухны сакларга ярдәм иткән.

Рәсми өлештән соң балалар өчен «Ак Барс Арена» стадионы буйлап экскурсия уздырдылар, анда алар үзләрен футболчылар ролендә сынап карады.