Ульяновскида татар теле һәм әдәбияты укытучыларының август киңәшмәсе узган
Ульяновскиның Татар мәдәният үзәгендә татар теле һәм әдәбияты укытучылары, балалар бакчасы тәрбиячеләре катнашында август киңәшмәсе уза. Бу хакта Ульяновскида чыгучы «Өмет» газетасының телеграм-каналында хәбәр ителә.
Ана телләренең бүгенге хәле һәм киләчәк язмышы турында сөйләшүгә багышланган очрашуда шәһәр һәм авыл мәктәпләрендә, балалар бакчаларында татар теле буенча белем бирүче сигез дистәгә якын педагог катнаша. Казаннан тел белгечләре, дәреслек авторлары да чакырулы.
Өлкә татар милли-мәдәни автономиясе һәм мәгариф үсеше институты җитәкчелеге әлеге чараны мавыктыргыч һәм бай эчтәлекле итеп оештырган. Киңәшмә башланыр алдыннан үзәк фойесында күргәзмәләр, мастер класслар эшләде, диелә хәбәрдә.