Камилә Вәлиева: Мин әлегә үземнең профессиональ карьерамны тәмамламыйм
Фигуралы шуу буенча дөнья чемпионы Камилә Вәлиева тренерлык эшчәнлеген алып бару турындагы сорауга җавап бирде.
«Мин ниндидер укучыларым булсын өчен әлегә үземнең профессиональ карьерамны тәмамламыйм. Мондый хәл булыр, мин җитәрлек тәҗрибә туплармын һәм, әлбәттә инде, минем тиешле белемем булыр, дип өметләнәм. Һәм нәкъ менә без моның өстендә төгәл эшләячәкбез», - диде Вәлиева.
Шулай ук 19 яшьлек спортчы киләчәктә үзен тренер ролендә күрүен дә әйтте, чөнки бу эшчәнлек аңа бик тә туры килә.
Искәртик, 2021 елның декабрендә фигуристканың каныннан алынган допинг-үрнәк уңай булып чыкты. Шуннан соң Халыкара Олимпия комитеты Вәлиеваны ярышлардан 4 елга читләштерә. Дисквалификация срогы 2025 елның 25 декабрендә тәмамлана.