TikTok Буюк Британияда юзлаб ходимларни қисқартирмоқда
0
TikTok Буюк Британияда юзлаб ходимларини ишдан бўшатишни режалаштирмоқда. Улар асосан контентни назорат қилувчилар бўлиб, компания бу жараённи бошқа Европа офисларига кўчиришни ва сунъий интеллектдан кенгроқ фойдаланишни мақсад қилган.
TikTok вакиллари бу ўзгариш глобал даражадаги “Ишонч ва хавфсизлик” бўлимини кучайтириш режасининг бир қисми эканини айтмоқда. Уларнинг фикрича, сунъий интеллект жараённи тезлаштиради ва самарадорликни оширади.
Бироқ, Буюк Британиядаги Касаба уюшмаси бу қарорни танқид қилиб, уни “корпоратив манфаатларни инсон хавфсизлигидан устун қўйиш” деб атади. Уларнинг айтишича, фақат технологияга таяниш хавфли бўлиши мумкин.
Ишдан бўшатилган назоратчилар компания ичида бошқа лавозимларга ҳужжат топшириш ҳуқуқига эга бўлади.
Бу ўзгариш Буюк Британияда онлайн хавфсизлик талаблари кучайган пайтга тўғри келди. Эндиликда компаниялар қонунларга риоя қилмаса, катта жарималар тўлаши мумкин. Шу сабабли TikTok ҳам янги назорат чораларини жорий қилмоқда.