Ўзбекистонда ҳомийлик хайрияларини йиғиш тартиби белгиланди
Адлия вазирлиги маълумот беришича, қонун ҳужжатларига киритилган қўшимчалар орқали ҳомийлик хайрияларини йиғишнинг аниқ тартиби белгиланди.
Эндиликда давлат органлари ходимлари ННТ фаолиятига ноқонуний аралашган тақдирда, уларга БҲМнинг 7 бараваридан 10 бараваригача жарима қўлланади. Шунингдек, хайрия йиғиш тартибини бузган фуқаролар 3–5 баравар, мансабдор шахслар эса 5–7 баравар БҲМ миқдорида жаримага тортилади, деб ёзмоқда Курсив нашри.
Янги тартибга кўра, хайрия йиғиш олдиндан эълон қилинган муддатда ва фақат белгиланган мақсадлар учун амалга оширилади. Нағд хайрия маблағлари шиша қутилар орқали йиғилиши шарт. Қутилар махсус пломба билан ёпилиши лозим. Нағд маблағларнинг банк ҳисобварағига ўтказилиши эса қонунга мувофиқ истисно сифатида мумкин.