Chevrolet электр пикапига 3 та янги ранг қўшилди
2026 йилги Chevrolet Silverado EV моделида бир қатор янгиланишлар амалга оширилди, деб GM Authority хабар берди. Ушбу электр пикапига янги комплектациялар, Trail Boss версияси, турли кўриниш пакетлари ва учта янги ранг киритилди.
Янги ранглардан бири — Magnus Gray Matte Metallic. Унинг коди GBL, нархи эса 3 995 доллар (тақрибан 51 миллион сўм). У фақат Trail Boss версиясига мос бўлиб, ички қисми Black/Artemis услубида Evotex сунъий чарм ўриндиқлари билан таклиф этилади.
2026 йилги Silverado EV’нинг бошланғич нархи WT версияси учун 54 895 доллар, янги Trail Boss учун эса 72 095 доллардан бошланади. Trail Boss икки дюйм кўтарилган подвеска, 35 дюймли шиналар, эксклюзив Terrain ва Sidewinder режимлари ҳамда 725 от кучигача қувватга эга дуал мотор билан жиҳозланган.