Reece Group акциялари 20% арзонлади
Австралиялик сантехника жиҳозлари ишлаб чиқарувчиси Reece Ltd (ASX:REH) акциялари душанба куни 20%га пасайиб, 11,01 австралия долларига тушди, деб Investing.com хабар берди. Бу ASX 200 индекси 0,4% ўсган вақтда рўй берди.
Компаниянинг солиқдан кейинги йиллик соф фойдаси 24%га камайиб, 317 млн австралия долларини ($205,3 млн) ташкил этди. Бу натижа кутилган 325,1 млн доллардан паст бўлди. Сотув ҳажми ҳам 1,4%га қисқариб, 8,89 млрд австралия долларига етди. Дивидендлар эса 25,75 сентдан 18,36 сентга туширилди.
Компания АҚШ ва Австралияда талабнинг пасайиши асосий сабаб эканини қайд этди. Хусусан, АҚШда фойда 5%га пасайди. Reece ҳисоботича, келаси 12–18 ой мобайнида уй-жой бозори чекланган бўлиб қолади. Юқори ипотека ставкалари ва инфляция ҳам талабни пасайтирмоқда.