Түбән Камада хәрбиләрнең балаларына шифаханәдә түләүсез ял тәкъдим итәләр
Түбән Кама балалар район хастаханәсе махсус хәрби операциядә катнашучыларның гаиләләренә Чаллы шәһәрендә урнашкан «Радуга» шифаханәсендә 7 яшьтән 15 яшькә кадәрге балаларны савыктыру мөмкинлеге турында хәбәр итә. Бу хакта https://tat.e-nkama.ru/ сайты яза.
Юлламалар 2025 елның 8 сентябреннән 1 октябренә кадәр бушлай бирелә. Сәламәтләндерү программасына медицина процедуралары һәм педагоглар белән дәресләр керә, бу исә балаларга мәктәп программасыннан калышмаска мөмкинлек бирәчәк.
Юлламалар алу һәм тулырак мәгълүмат буенча 8-906-329-61-69 телефоны буенча яисә Тукай ур., 37 (421 кабинет) адресындагы «Солнечная» поликлиникасына мөрәҗәгать итәргә кирәк.