Mann og familiemedlemmar dømt for æresdrap i Sverige
0
Ein mann er dømt for å ha drepe si kone i Eskilstuna i Sverige i fjor. Fleire familiemedlemmar er også dømt for det retten omtalar som eit æresdrap, melder NTB.
I fjor haust blei ei 27 år gamal kvinne drepen. Ektemannen hennar er dømt til livstid i fengsel for drapet.
Broren hans er dømt til 12 års fengsel for å ha hjelpt til i forkant av drapet. Han skal også ha skjult bevis etter drapet.
I tillegg er mora deira dømt til livstid i fengsel, etter å ha oppfordra til drapet og gitt instruksar om drapet til sine to søner.