Медицина уку йортларында бюджет урыннарын максатчан итәргә тәкъдим иттеләр
Россия Сәламәтлек саклау министрлыгы бюджетка Югары медицина һәм фармацевтика белеменең төп белем бирү программалары буенча керә торган студентларны максатчан укыту турында килешү төзергә тәкъдим итә. Бу хакта ТАСС яза.
Әгәр студент килешү шартларын бозса, аңа укытуга тотылган акчаны дәүләткә кайтарырга һәм бу сумманың икеләтә күләмендә штраф түләргә туры киләчәк. Шул ук шартлар медицина белгечлеге буенча белем алучы көллият һәм техникум тәмамлаучыларга, шулай ук эшкә урнашу буенча үз йөкләмәләрен үтәмәсәләр, максатчан белем бирүгә заказ бирүчеләргә дә кагылачак.
Закон проекты тексты нигезендә, кабул ителгән очракта закон 2026 елның 1 мартыннан үз көченә керәчәк.
Моннан тыш, студентлар укуларын дәвам итә алачак. Мисал өчен, мәҗбүри эшләүләрдән башка ординатурага керә алачак, тик шул ук заказчы белән яңа максатчан килешү имзаласалар гына (кагыйдә буларак, заказчы ролендә төбәкләрнең Сәламәтлек саклау министрлыгы яки конкрет медицина оешмалары тора).