UzAuto Motorsнинг фойдаси кескин камайди
2025 йилнинг биринчи ярмида UzAuto Motors компаниясининг соф фойдаси 1,38 трлн сўмни ташкил қилди. Бу кўрсаткич ўтган йилнинг шу даврига нисбатан 27,5%га камайгани қайд этилмоқда, деб @latipovjahongir Telegram канали хабар берди.
Шу билан бирга, компаниянинг умумий даромадлари ҳам 9,5%га камайиб, 21,2 трлн сўмни ташкил этди. Ички бозордаги улуш эса 90,2%дан 82,2%га тушди.
Бунга асосий сабаблар сифатида Kia, BYD, Haval ва бошқа рақобатчи брендлар савдоси ортиши, ёқилғи нархлари ва навбатлар сабаб электромобилларга қизиқиш ошгани, ҳамда иккаламчи бозорда нархларнинг тушиши қайд этилмоқда.
Шу билан бирга, 2025 йил II чорагида фойда миқдори 759 млрд сўмгача ўсди. Бу ҳолат 1 майдан электромобиллар учун утилизация йиғими оширилгандан кейин маҳаллий автомобилларга талаб ортиши билан изоҳланади.