Марат Гатин: Соңгы елларда хатын-кызларның роле үсә бара

«Хатын-кыз – һәрвакыт ир-атның терәге. Минем тагын да билгеләп әйтәсем килә, соңгы елларда хатын-кызларның роле үсә бара. Бу – бик әйбәт. Чөнки җаваплылык ягыннан хатын-кызлар ир-атларга караганда күпкә җаваплырак, бу – минем шәхси тәҗрибәм. Укыган вакытта ук чагыштырып карасак, егетләр укуга бик җитди карамый, килә-китә, кызлар исә башыннан ахырына кадәр укый, кызыл диплом алып чыгып китә. Хатын-кызлар, үз максатларыма ирешәм дип, туры бара.

Сезгә бик зур рәхмәт, төрле төбәкләрдән әлеге корылтайга җыелдыгыз, һәрберегез үз җирлегендә кирәкле, мөһим хезмәт куя. Һәрберегез – күпкырлы шәхес, Аллаһы Тәгалә сезгә әлеге олы хезмәтегездә һәрвакыт ярдәм итсен. Без сезгә таянабыз, гаиләдә дә ир-атлар хатын-кызларга таяна, эштә дә, «кругом сез». Уңышлар сезгә!» – ди ул.

III «Татар абыстайлары форумы»нда яңгыраган фикерләрне «Интертат» сайты өчен Зөлфия Шәвәлиева язды.

• «Абыстайлары форумы»: Кайнаналар клубы, гаилә кору проблемалары һәм аерылышу сәбәпләре