Drapsforsøk i Stavanger: Seks personar er sikta
Seks personar er no sikta etter den alvorlege valdshendinga hendinga i Stavanger tysdag kveld. Det kjem fram i ei pressemelding.
– To er varetektsfengsla og i tillegg vart ein framstilt for varetektsfengsling i Sør-Rogaland tingrett i dag. Vi ventar framleis på rettsavgjerda, seier politiadvokat Fredrik Martin Soma.
Dei tre andre sikta er ikkje varetektsfengsla.
– Slik politiet ser saka no forventar vi ikkje fleire arresterte, seier Soma.
Siktinga gjeld to mindreårige jenter, to unge menn og to mindreårige gutar.
Torsdag kunne politiet fortelje om at ein ny person vart pågripen, og sikta for drapsforsøk og grovt ran, eller medverknad til dette.
Det var tysdag kveld at den mindreårige guten vart sendt til sjukehuset med stikkskadar. Valdshendinga skjedde på Mariero i Stavanger, og den fornærma kom seg på toget til Stavanger sentrum, der han fekk helsehjelp.
Hendinga tok stad ved denne undergangen ved togstasjonen på Mariero.