Ұйғыр этносының бірегей көрмесі ашылды
Ағымдағы жылдың 29 тамызы күні «Қоғамдық келісім» мекемесі ұйымдастыруымен «Жамбыл облыстық Махмұт Қашқари атындағы ұйғыр этномәдени бірлестігі» қоғамдық бірлестігінің «Ұйғыр этносының ұлттық өнері мен рухани мәдениеті» атты өнер және этнографиялық бірегей жеке коллекцияларының көрмесі ашылды.
Жиынға облыстық Махмұт Қашқари атындағы ұйғыр этномәдени бірлестігінің өкілдері, өңірлік этномәдени бірлестік басшылары мен мүшелері, «Ассамблея жастары» ҚБ белсенділері және өңірлік БАҚ өкілдері қатысты.
Шараның басты мақсаты – ұйғыр халқының рухани, мәдени және ұлттық құндылықтарын, тарихы мен салт-дәстүрлерін қадірлеуге, өскелең ұрпақтың санасына ата-бабадан қалған асыл мұраны сақтауға, қоғамдық келісім мен ұлттық бірліктің қазақстандық үлгісін насихаттауға шақыру.
Көрме ҚР Президентінің 2025 жылғы 24 сәуірдегі ҚХА-ның XXXIV-сессиясында берген тапсырмаларының берген тапсырмаларының біріне сәйкес – «модельдік жол картасы» аясында бастау алып, аймақтағы түрлі этномәдени бірлестіктердің құндылықтарын айшықтайтын көрмелердің ашылумен жалғасуда.
Салтанатты жиын «Қоғамдық келісім» КММ басшысының орынбасары Сәуле Құрманқұлованың сөзімен ашылып, бірлестіктің Ақсақалдар кеңесінің төрағасы Тұрсынмамед Қасымов пен Аналар кеңесінің төрайымы Мухабат Алеханованың жылы лебіздерін білдіруге ұласты.
Іс-шара барысында ұйғыр этносының ұлттық әндері шырқалып, билері орындалды. Ұлттық билермен қоса, көрменің кішкентай көрермені Марлен Берденғали да «Бұл – менің елім!» деп ән шырқады.
Сонымен қатар ұйғыр ұлттық тағамдары да ұсынылды. Сәндік-қолданбалы өнер көрмесі, ұлттық костюмдер мен тарихи экспонаттар келушілердің ерекше қызығушылығын тудырды.
Жиын соңында Сәуле Досымбекқызы көрмеге және экспонаттарды жинақтауға белсенді атсалысқан белсенділерді марапаттап, өнер және этнографиялық бірегей жеке коллекциялар қойылған көрмеге экскурсия жасады.
Мұндай іс-шаралар түрлі этностар арасындағы мәдени байланыстарды, жалпықазақстандық бірегейлік пен бірлік, этносаралық татулықты нығайтуға және өскелең ұрпақтың рухани байлықты қадірлеп, қастерлеп өсуіне зор ықпалын тигізеді.
Сообщение Ұйғыр этносының бірегей көрмесі ашылды появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.