Яшел Үзән район үзәк хастаханәсе коллективы легендар табибны лаеклы ялга озатты
Бүген Яшел Үзән район үзәк хастаханәсе коллективы легендар табиб Фәрит Сәгыйть улын лаеклы ялга озатты. 44 ел дәвамында Фәрит Сәгыйть улы хастаханә диварларында табиб-хирург буларак хезмәт итте, шуларның 20 елын – 2нче хирургия бүлеге мөдире сыйфатында. Якынча исәпләүләр буенча биш меңгә якын операция уздырган ул! Бу хакта «Яшел Үзән» яза.
Аның һөнәри тормышы югары бүләкләр белән билгеләп үтелде: ул Татарстанның атказанган табибы, «Яшел Үзән муниципаль районы алдындагы казанышлары өчен» медаленә һәм Россия Сәламәтлек саклау министрлыгының мактау грамотасына лаек булды. 2024 елда аның портреты шәһәрнең Мактау тактасына урнаштырылды.
Бүгенге көн аның исеменә хезмәттәшләре, хастаханә җитәкчелегеннән һәм укучыларыннан рәхмәт сүзләренә бай булды. Күпләр өчен Фәрит Сәгыйть улы чын укытучы, зирәк остаз, һөнәргә намуслы хезмәт итүче үрнәге, һәрвакыт ярдәмгә килергә һәм үзенең ышанычлы иңбашын куярга әзер кеше.
«Без күпьеллык намуслы хезмәте, Яшел Үзәннең сәламәтлек саклау өлкәсенә бәяләп бетергесез өлеш керткәне һәм үз эшенә чиксез бирелгәнлеге өчен Фәрит Сәгыйть улына чын күңелдән рәхмәт белдерәбез. Аңа лаеклы ялда ныклы