«Ан Наср» йирик ҳисобда ғалаба қозонди, Роналду 940-голини урди (видео)

Саудия Пролигаси 2025/26 мавсумининг илк тури жуда ёрқин баҳсларга бой бўлди. Саудиянинг машҳур клубларидан бири — «Ан Наср» сафарда «Ат Таъавун» жамоаси дарвозасига бешта жавобсиз гол урди ва мухлисларини хурсанд этди.

Беллашувнинг энг кўзга кўринган қаҳрамони Жоау Феликс бўлди. Португалиялик ҳужумчи 7, 67 ва 87-дақиқаларда рақиб дарвозасини ишғол этиб, хет-трик қайд этди. Криштиану Роналду эса 54-дақиқада пенальтини аниқ ижро этди ва ўзининг шахсий фаолиятидаги 940-голини урди. Бу кўрсаткич унинг бутун дунёдаги тенгсиз мақомини яна бир бор тасдиқлади. Шунингдек, «Бавария»дан янги келган Кингсли Коман ҳам ўз дебютида дарвозани ишғол этишга муваффақ бўлди.

Саудия Пролигаси. 1-тур
Ат Таъавун — Ан Наср 0:5
Голлар: Феликс (7, 67, 87), Роналду (54, пен.), Коман (55).
Ан Наср таркиби: Наваф, Бушал, Симакан, Иниго, Яҳё (Ғаннам, 75), Айман, Анжело (Ал Ҳайбари, 75), Брозович (Ал Ҳассан, 90), Феликс (Ғариб, 90), Коман, Мане, Роналду.

Шунингдек, турнинг яна бир муҳим баҳсида «Ал Ҳилол» ўз майдонида «Ар Риёд» устидан 2:0 ҳисобида зафар қозонди. Ҳисобни 22-дақиқада Ал Ҳарби очди, биринчи бўлимнинг қўшимча дақиқаларида эса Малком жамоаси учун иккинчи голни киритди.

Ал Ҳилол — Ар Риёд 2:0
Голлар: Ҳарби (22), Малком (45+3).
Ал Ҳилол таркиби: Буну, Канселу (Ал Ями, 85), Кулибали, Тамбакти, Ал Ҳарби, Невеш, Ал Досари (Канно, 79), Малком (Кайо, 79), Милинкович-Савич, Ад Довсари, Нунес (Ал Ҳамдан, 85).

Муттахассислар таъкидлашича, «Ан Наср»нинг бу таркиби чемпионлик учун жиддий даъвогар бўлиши мумкин. Мухлислар эса Роналду ва Феликснинг яна қандай рекордларга эришишини интиқлик билан кутмоқда.