Қирғизистон — Туркманистон ўйини ҳақида Урмат Абдукаимов фикрлари

"CAFA Nations Cup-2025" турнири доирасидаги икки ўйиндан бири бўлган Қирғизистон ва Туркманистон ўртасидаги учрашув 1:1 ҳисоби билан якунланди. "Жар" стадионида ўтган ушбу ўйиндан сўнг Қирғизистон терма жамоаси бош мураббийи Урмат Абдукаимов ўз фикрларини билдирди.

Урмат Абдукаимов биринчи навбатда футболчиларга ўйин учун миннатдорчилик билдиришни унутмади. "Йигитларга ўйин учун катта раҳмат, лекин шуни айтишим керакки, бугунги ўйиндаги ҳарорат футболни тезкор кўрсатишга тўсқинлик қилди. Бу оғирликларга қарамай, биз кўпроқ ўйинни назорат қилдик ва вазиятлар яратдик. Айрим вазиятларда эса аниқлик ва омад етишмади", деди у.

Бош мураббийнинг айтишича, рақиб стандарт вазиятларда яхши ҳаракат қилди, лекин Қирғизистон термаси бунга тайёр эди. "Биз уларнинг стандартлари учун тайёр эдик, лекин улар буни асосий қурол сифатида ишлатишди", деб қўшимча қилди Абдукаимов.

Шунингдек, Урмат Абдукаимов майдоннинг ёмон ҳолатига ҳам эътибор қаратди. "Айтганимдек тезкорлик камлик қилди. Иккинчидан майдон ҳолати сифатли футбол кўрсатишга жавоб бермади. Тўп сакраб кетаверди. Бир тепар ўйнашда муаммоларга дуч келдик", деди у.

Ҳар ҳолда, Қирғизистон термаси бош мураббийи футболчиларининг ҳаракатларига баҳо берар экан, яхши натижага эришиш учун узоқ йўл бошлашганини таъкидлади.