А Серияда энг кўп маош олувчи футболчилар аниқланди

Capalogy портали Италия чемпионати — А Серияда ўйнаётган футболчиларнинг маошларини таҳлил қилиб, энг кўп ҳақ олувчи 15 нафар футболчи рўйхатини эълон қилди. Унга кўра, «Ювентус» клуби форварди, серб ҳужумчиси Душан Влаҳович ҳозирда мамлакатда энг юқори маош олувчи футболчига айланган. Унинг йиллик даромади тахминан 22 миллион еврога тенг.

Бу кўрсаткич Европа футболидаги умумий манзарадан сал паст бўлса-да, Италия чемпионатида етакчи ҳисобланади. Солиштириш учун, Испания чемпионатида энг кўп маош олувчи футболчи — «Реал Мадрид» ҳужумчиси Килиан Мбаппе йилига 31,2 миллион евро иш ҳақи олади. Демак, италиялик футболчилар олаётган энг катта маошлар испан клубларига нисбатан анча паст. Ҳатто А Сериядаги маоши юқори бўлган уч нафар футболчигина Ла Лигадаги топ-20 рўйхатига кира оларди.

Талабаларча, А Сериядаги энг кўп ҳақ олувчи футболчилар рўйхати қуйидагича:

1. Душан Влаҳович («Ювентус») — 22 млн евро

2. Лаутаро Мартинес («Интер») — 16,6 млн евро

3. Пауло Дибала («Рома») — 12,9 млн евро

4. Николо Барелла («Интер») — 12 млн евро

5. Жонатан Дэвид («Ювентус») — 11,1 млн евро

6. Ҳоқон Чалхонўғли («Интер») — 11,1 млн евро

7. Кевин Де Брюйне («Наполи») — 11,1 млн евро

8. Алессандро Бастони («Интер») — 10,1 млн евро

9. Бремер («Ювентус») — 9,2 млн евро

10. Пётр Зелински («Интер») — 8,3 млн евро

11. Алваро Мората («Комо») — 8,3 млн евро

12. Маркус Тюрам («Интер») — 7,6 млн евро

13. Ромелу Лукаку («Наполи») — 7,6 млн евро

14. Федерико Димарко («Интер») — 7,4 млн евро

15. Исмоил Беннасер («Милан») — 7 млн евро

Кўриниб турибдики, топ-15ликка кирган футболчиларнинг аксарияти «Интер» ва «Ювентус» каби Италиянинг етакчи клублари аъзоларидир. Бу эса чемпионатдаги молиявий имкониятларнинг асосан кучли жамоалар қўлида жамланганини кўрсатади.