Игорь Комаров: Уку — ул үсеш һәм тормыш юнәлешләрен сайлау юлы

Россия Президентының Идел буе федераль округындагы Тулы вәкаләтле вәкиле Игорь Комаров округ халкын Белем көне белән котлады. Аның сүзләрен РФ Президентының Идел буе федераль округындагы Тулы вәкаләтле вәкиле матбугат хезмәте китерә.

Үзенең мөрәҗәгатендә ул 1 сентябрьнең яңа уку елы башы да, дуслар, яңа йөзләр һәм белемнәр белән очрашулар да булуын билгеләп үтте. Комаров сүзләренчә, укучылар өчен бу укуны дәвам итү, ата-аналар һәм өлкән буын өчен – балаларның уңышлары белән горурлану өчен сәбәп, ә укытучылар өчен - яңа һөнәри алымнар.

Тулы вәкаләтле вәкил беренче сыйныф укучыларына аерым котлау сүзләрен юллады, аларга мәктәпнең ачышлар һәм беренче җиңүләр дөньясы булуын теләде.

Комаров шулай ук әтиләре махсус хәрби операция зонасында булган балаларга гаиләләренең ныклыгын һәм батырлыгын ассызыклады.

Ул билгеләп үткәнчә, уку – ул дәресләр һәм имтиханнар гына түгел, ә шәхес үсеше һәм тормыш юнәлешләрен сайлау юлы да. Аның сүзләренчә, нәкъ менә хәзерге укучыларга фәнне, технологияләрне үстерергә, шәһәрләр төзергә һәм илне тагын да яхшырак итәргә кирәк булачак. Моның өчен шатлана белү, җаваплылык алу, кыю һәм дустанә булу, сүздә тору мөһим.

Вәкаләтле вәкил үсеп килүче буынның барысы да уңышлы булачагына ышаныч белдерде һәм яңа уку елының үсеш, ачышлар һәм алга атлау вакыты булуын теләде.