Шомуродов ва Файзуллаев билан «Башакшеҳир» дуранг қайд этди

Туркия Суперлигасининг 4-туридан ўрин олган учрашувда «Башакшеҳир» ўз майдонида «Эюпспор»ни қабул қилди ва беллашув голсиз натижа билан якунланди.

Истанбул клуби сафида юртимиз футболчилари — Элдор Шомуродов ҳамда Аббосбек Файзуллаев асосий таркибдан ўрин олди. Аббос учун бу Туркия чемпионатидаги илк дебют ҳисобланди. У 70 дақиқа майдонда тўп суриб, сариқ карточка олиб улгурди. Элдор эса бутун беллашувни майдонда ўтказди.

Шу тариқа, «Башакшеҳир» мавсумдаги иккинчи учрашувини ҳам дуранг билан якунлади. Жамоа ҳозирда 2 очко билан турнир жадвалида 12-поғонада жойлашган. Бироқ истанбулликлар захирадаги икки баҳси билан ҳолатни ўз фойдаларига ўзгартириши мумкин. «Эюпспор» эса 4 очко тўплаб, 9-ўринни эгаллаб турибди.

Туркия чемпионати. 4-тур
Башакшеҳир — Эюпспор 0:0
31 август. Фотиҳ Терим стадиони

Башакшеҳир: Дилмен, Ба, Зелке, Кемен, Опери, Опоку, Сари (Туруч, 70), Файзуллаев (Брнич, 70), Шомуродов, Эбоселе, Эргун (Гунеш, 46).
Эюпспор: Фелипе, Ялчин, Кларо, Муякич, Калегари (Улван, 70), Демирбей (Таскин, 89), Ялчин, Гюрлер (Акбунар, 61), Сеслар, Дрэгуш (Ампем, 46), Бозок (Алтинбаш, 89).

Огоҳлантиришлар: Демирбей (9), Дрэгуш (35), Файзуллаев (42), Ба (46), Ампем (72), Бозок (79), Опоку (90+1).