Абдуқодир Ҳусанов “Брайтон”га қарши ўйинни асосий таркибда бошлайди

АПЛнинг 3-тури доирасидаги “Брайтон” – “Манчестер Сити” учрашуви учун асосий таркиблар эълон қилинди. Қувонарлиси, ҳамюртимиз Абдуқодир Ҳусанов асосий таркибдан ўрин олди ва муҳим баҳсни бошиданоқ майдонда бошлайди.

“Шаҳарликлар”нинг бошланғич таркиби қуйидагича шаклланди:
– Жеймс Траффорд
– Матeус Нунес
– Абдуқодир Ҳусанов
– Жон Стоунз
– Раян Айт-Нури
– Родри
– Бернарду Силва (сардор)
– Оскар Бобб
– Тижани Рейндерс
– Умар Мармуш
– Эрлинг Ҳоланд

Захирада эса Эдерсон, Диаш, Аке, Доку, Нико, Гюндоган, Аканжи, О’Рейлли ва Льюис каби футболчилар қолдирилган.

Абдуқодир Ҳусановнинг Премьер лига каби нуфузли мусобақада асосий таркибдан жой олиши нафақат у учун, балки бутун ўзбек футболи учун катта шараф ҳисобланади. Мухлисларимиз эса бугунги баҳс орқали унинг юқори савиядаги маҳоратига яна бир бор гувоҳ бўлиш имкониятига эга бўлади.

Маълумот учун, ўтган икки турда «Сити» 3, «Брайтон» 1 очко тўплаган. Ушбу баҳс Тошкент вақти билан 18:00 да бошланади.