"Юксалиш" сунъий интеллект соҳасидаги ТОП-30 етакчиларни эълон қилди
0
"Юксалиш" ҳаракати Ўзбекистонда сунъий интеллект соҳасини ривожлантираётган энг яхши 30 нафар мутахассис рўйхатини тақдим этди. Бу ҳақда Курсив.медиа хабар берди.
Етакчилар орасида MyTaxi ва Express24 асосчиси Акмал Пайзиев, Моҳирдев раҳбари Анвар Нарзуллаев, олимлар Бунёдбек Иброҳимов ва Дилноз Муҳаммадиева бор. Шунингдек, рўйхатга AI Lab ҳаммуассиси Анастасия Маркова ва TBC Bank сунъий интеллект бўлими бошлиғи Константин Круглов киритилган.
Ҳаракат маълумотларига кўра, танлов икки босқичда ўтказилган. Дастлаб очиқ манбалар ва Рақамли технологиялар вазирлиги тавсиялари асосида 50 нафар номзод рўйхати шакллантирилди. Шундан сўнг, 1380 нафар АИCА резиденти ҳар бир номзодни 8 та мезон бўйича баҳолади.