Сарманда Халыкны эш белән тәэмин итү үзәге ачылды
Татарстан Республикасы көнендә Сарман районында капиталь ремонттан соң Халыкны эш белән тәэмин итү үзәген ачу тантанасы булды. Чарада муниципаль район башлыгы Фәрит Хөснуллин катнашты. Бу хакта Сарман муниципаль районы матбугат хезмәте хәбәр итә.
Яңартылган үзәк район халкына эш эзләү һәм консультацияләр алу өчен заманча һәм уңайлы шартлар тудыра. Капиталь ремонт барышында интерьерны яңарттылар, вакансияләр һәм яңадан укыту программалары турында мәгълүматны тиз арада алырга мөмкинлек бирә торган яңа мәгълүмати технологияләр дә кертелде.
Модернизация «Кадрлар» илкүләм проектының «Хезмәт базары белән идарә итү» федераль проекты кысаларында үткәрелде. Инициативаны гамәлгә ашыру хезмәт базарында ихтыяҗ һәм тәкъдим балансын тәэмин итүгә, эшсезлек дәрәҗәсен киметүгә һәм халыкның мәшгульлеген арттыруга юнәлдерелгән.
Яңартылган мәшгульлек хезмәте гражданнарга эшкә урнашуда һәм эш бирүчеләргә квалификацияле белгечләр сайлауда нәтиҗәлерәк ярдәм күрсәтергә мөмкинлек бирәчәк, бу район икътисады үсешенә ярдәм итәчәк.