"Қизилқум"нинг мағлубиятсиз юриши Қўқонда тўхтатилди...
Ўзбекистон чемпионати доирасидаги 21-тур учрашувлари қизғин давом этмоқда. Қўқон шаҳрида «Қўқон-1912» ўз уйида «Қизилқум»ни қабул қилди ва мухлислар кутганидек драматик ва қизиқарли беллашув бўлиб ўтди.
Майдон эгалари баҳсни фаол бошлаб, 16-дақиқада Датси Келейди пенальтидан ҳисобни очди. Аммо кўп ўтмай, 28-дақиқада меҳмонлар сафида Ислом Кенжабоев жавоб голини урди ва ҳисобни тенглаштирди. Шиддат билан кечган баҳсда иккинчи бўлим бошланиши биланёқ Муҳаммаданас Ҳасанов 47-дақиқада гол уриб, қўқонликларга ғалабани таъминлаб берди.
Энг қизиғи шундаки, ушбу ютуқ «Қизилқум»нинг тўққиз учрашувдан бери давом этган мағлубиятсиз сериясига барҳам берди. Навоийликлар охирги марта 6 июнда «Хоразм»га йирик 0:3 ҳисобида ютқазган эди.
Бу муваффақиятдан сўнг «Қўқон-1912» ўз очколарини 21 тага етказиб, турнир жадвалида 12-поғонага кўтарилди. «Қизилқум» эса 26 очко билан ҳозирча 8-ўринда қолмоқда.
Суперлига. 21-тур. 13 сентябр
"Қўқон-1912" — "Қизилқум" 2:1
Голлар: Келейди 16 (пен), Ҳасанов 47 — Кенжабоев 28.
"Қўқон-1912": 13.Азизхон Исақов, 4.Аслиддин Тоштемиров (6.Алишер Салимов, 80), 5.Жасурбек Ёқубов, 7.Шота Гвазва, 10.Шохруҳ Гадоев (20.Иқболжон Маликжонов, 62), 17.Клейди Даци (9.Жавоҳир Ҳусанов, 71), 19.Шаҳзод Акрамов, 22.Муҳаммаданас Ҳасанов, 23.Аброр Каримов, 44.Андро Гиоргадзе, 78.Абдуғафур Ҳайдаров (14.Жасур Холтўраев, 80).
"Қизилқум": 1.Санжар Қувватов (с), 5.Дилшоджон Комилов, 8.Шахзодбек Раҳматуллаев (7.Даврон Анваров, 75), 9.Ислом Кенжабоев, 11.Жамбули Жигаури (20.Бобомурод Бозоров, 83), 15.Никола Кумбурович, 16.Асрор Ғофуров, 23.Самандар Шукуруллаев, 70.Шохрўз Норхонов (10.Роман Папарига, 58), 77.Файзуллобек Жуманқўзиев (19.Илхомжон Кенжаев, 75), 88.Душан Мийич.
Огоҳлантиришлар: Никола Кумбурович 39, Файзуллобек Жуманқўзиев 45+2, Шоҳруз Норхонов 56.
Шу тариқа, Қўқонда мухлислар кўпдан кутилаётган ғалабага гувоҳ бўлишди. Эндиликда «Қўқон-1912» учун бу йўлнинг бошланиши, навбатдаги турлардаги ўйинлар эса уларнинг чемпионатда қай даражада кучли ўрин эгаллашини белгилаб беради.