Месси «Барселона» билан муносабатларни деярли узди
Аргентинага оид афсона Лионель Месси АҚШда икки йилдан бери яшаса-да, энди "Барселона" ўйинларини кузатмайди ва ҳозирги футболчилар билан алоқада эмас, деб ёзади El Nacional.
Ҳозирги таркибда у фақат Роналд Араухо, Педри, Френки де Йонг ва Марк-Андре тер Штегенни танийди, аммо улар билан яқин муносабат ўрната олмаган. Тер Штеген билан эса машғулотдаги можаро сабабли йўллари бутунлай ажралган.
Президент Жоан Лапорта Мессини янги “Камп Ноу” очилишига таклиф қилмоқчи эди, аммо стадион қурилишидаги кечикиш бу режани ортга сурди. Саккиз карра “Олтин тўп” соҳибининг тез орада фаолиятни якунлаши ҳақидаги миш-мишлар эса бу ғоя умуман амалга ошмаслигини англатиши мумкин.
Месси ва Лапорта ўртасидаги муносабат клуб молиявий қийинчиликлар сабаб шартномани узайтириш имкони йўқолгач ёмонлашган. У кутилмаганда “ПСЖ”га кетган, кейин эса “Интер Майами”га йўл олган.
Шундан сўнг аргентиналик юлдуз "Барселона" таклиф қилган икки тадбирга ҳам бормаган — 2024 йил ноябрдаги 125 йиллик гала кечасига ва 2025 йил йил баҳорида эҳтимолий Чемпионлар лигаси финалига ҳам.